ABŞ Suriyada İŞİD liderlərindən birinin ələ keçirildiyini elan edib

16 iyun, TELEJURNAL AZƏRTAC-a istinadən xəbər verir ki,

Amerikalı hərbçilər Suriyanın şimalında İŞİD qruplaşmasının nüfuzlu səhra komandirini ələ keçirib.

Associated Press informasiya agentliyi bu barədə ABŞ-ın rəhbərlik etdiyi koalisiya qüvvələrinin bəyanatına istinadla məlumat yayıb. Məlumata görə, ələ keçirilən şəxs İŞİD qruplaşmasının Suriya qolunun yüksək rütbəli liderlərindən biridir və partlayıcı qurğuların istehsalı ilə məşğul olub.

Onun adı və tutulduğu yer barədə məlumat verilməsə də, əməliyyatın uğurla keçdiyi və heç bir mülki vətəndaşın xəsarət almadığı bildirilir.