ABŞ müdafiə naziri: “Ukrayna Silahlı Qüvvələri Rusiyaya təzyiq göstərməyə davam edəcək”

“Ukrayna Silahlı Qüvvələri Rusiyaya təzyiq göstərməyə davam edəcək”.

TELEJURNAL   xəbər verir ki, bunu ABŞ müdafiə naziri (Pentaqon rəhbəri) Lloyd Ostin CNN-ə müsahibəsində deyib.

O, davam edən əks-hücum əməliyyatlarını müsbət qiymətləndirib: “Kiyev Rusiya qüvvələrinə qarşı davam edən əks-hücum əməliyyatlarına lazımi qədər vəsait ayırır. Ona görə də Ukraynanın bir sıra variantları var”.

Nazirin sözlərinə görə, Ukrayna ordusu minalanmış sahələri və digər maneələri uğurla dəf edir: “Şəxsi heyət və texnika itkisi azdır. Ukrayna qüvvələri yaxşı hazırlanıb. Onlar uğur qazanmağa hazırdır”.

Qeyd edək ki, Ukrayna ordusunun əks-hücum əməliyyatları bu ilin iyunun əvvəlində başlayıb.