”ABŞ-ın xarici siyasətində Çin beynəlxalq təhdiddir”- Məhəmməd Əsədullazadə
Amerika Birləşmiş Ştatlarının Çinlə yaxınlaşma siyasəti, bu siyasətin mahiyyəti ilə bağlı Telejurnal.az-a açıqlamasında Politoloq Məhəmməd Əsədullazadə bildirib.
”Amerika Birləşmiş Ştatları ilə Çin arasından siyasi əlaqələr xüsusilə Tayvan məsələsinə görə böhran vəziyyətində idi, amma dövlət katibi Antony Blinken-in Çinə səfərindən sonra demək olar ki, bu münasibətlərdə bir yumşalma mərhələsinə keçid olunub.Amerika Birləşmiş Ştatlarının Çinlə arasındakı gərginlik, gördüyümüz kimi,Amerikanın siyasətini, xüsusilə Sakit okean hövzəsindəki siyasətini müəyyən dərəcədə təhdid edir, amma buna baxmayaraq, bu müvəqqəti bir yumşalma siyasətidir, çünki Çin və Amerika Birləşmiş Ştatları geopolitik rəqibdirlər.Dünyada geosiyasi proseslər fonunda tərəflər konkret olaraq mübarizə aparırlar.Amerika Birləşmiş Ştatları Tayvanın müstəqilliyini tanımadığını vurğulasa da , bu məsələylə bağlı tərəflər arasında münasibətlər heç də hamar deyil.Hazırda Rusiyaya qarşı kollektiv qərbi mübarizə fonunda ABŞ Çinin Rusiyaya dəstəyinin qarşısını almağa çalışır.Elə bu fonda, Amerika Birləşmiş Ştatları Çinlə münasibətləri müəyyən bir mərhələdə sabit tutmağa çalışır.Ona görə də, bu səfərlər həyata keçirilir, amma düşünürəm ki ABŞ-ın xarici siyasətində Çin ümumiyyətlə beynəlxalq təhdiddir və Çin də ABŞ-ı özünə təhdid hesab edir.Yeni dünya Nizamında Rusiya zəiflədikdən sonra Biz Çinlə ABŞ-ın yeni geopolitik qarşıdurmasının şahidi olacıyıq. Sadəcə olaraq indiki mərhələdə , Amerika Birləşmiş Ştatlarının xarici siyasətində Çinə qarşı sərt güclər istifadə etməsi müəyyən dərəcədə arxa plandadı və tərəflər iqtisadi, siyasi münasibətləri yeni müstəvidə davam etdirməyi qərarlaşdırıblar”
Nigar Əkbərova
