ABŞ-ın məqsədi Ukraynada Rusiyaın maksimum zəiflətməkdir – Alman siyasətçi
“Birləşmiş Ştatlar Ukrayna münaqişəsinə son qoymaqda maraqlı deyil və Rusiyanın maksimum zəifləməsini özünün əsl məqsədi kimi görür”.
TELEJURNAL xəbər verir ki, bunu Almaniya Sosial Demokrat Partiyasının keçmiş rəhbəri Oscar Lafontaine çərşənbə günü Almaniyanın “Focus” jurnalına müsahibəsində deyib.
“ABŞ sülhdə maraqlı deyil. Bunu həmişə müharibə naziri adlandırdığım müdafiə naziri (ABŞ-ın müdafiə naziri Lloyd Ostin) özü etiraf etdi. ABŞ Rusiya oxşar miqyasda döyüşmək qabiliyyətini itirənə qədər münaqişənin davam etməsini istəyir”, – deyə bildirib.
Siyasətçi Rusiyanın Ukraynadakı hərəkətlərini NATO-nun şərq istiqamətində davam edən genişlənməsi kontekstində özünümüdafiə ilə izah edib: “Heç bir dövlət boğazına bıçaq dirəyib yaşamaq istəməz. Raketlərin nüvə dövlətinin sərhədləri yaxınlığında yerləşdirilməsi qəbuledilməzdir”, – o qeyd edib.
“Putinin danışıqları istəməməsi ilə bağlı iddialar təbliğatdır”, – Lafontaine Rusiya prezidenti Vladimir Putinin sülh danışıqlarından şüurlu şəkildə imtina etməsi ilə bağlı Qərb ölkələrində ümumi qəbul edilmiş vəziyyəti şərh etdi.
Qeyd edək ki, Oscar Lafontainenin ruspərəst mövqeydə olduğu bildirilir. O dəfələrlə Almaniyanın Ukraynaya silah verməsinin əleyhinə olduğunu açıq şəkildə bildirib. Almaniyanı bu müharibəyə hər hansı yardım vasitəsi ilə müdaxilə etməməyə çağırıb.
