ABŞ Dövlət Departamenti Fransaya 1 500-dən çox “Hellfire” raketinin satışını təsdiqləyib

ABŞ Dövlət Departamenti Fransaya 1 515 ədəd “AGM-114R2 Hellfire” tank əleyhinə raketləri və müvafiq avadanlıqların satışı variantını təsdiq edib.

Bu barədə Telejurnal  ABŞ Müdafiə Nazirliyinin Hərbi Əməkdaşlıq İdarəsinin nəşrinə istinadən xəbər verir.

Qeyd olunur ki, Fransa hökuməti Vaşinqtondan onlara bu cür raketləri 203 milyon ABŞ dollarından artıq qiymətə satmağı xahiş edib. İndi Dövlət Departamenti əməliyyat barədə Konqresə məlumat verib.

Departament qeyd edib ki, belə bir satış NATO ölkəsinin təhlükəsizliyinin gücləndirilməsinə töhfə verəcək və bu, Avropada siyasi və iqtisadi sabitliyə təsir edəcək.