ABŞ-da məktəbdə kütləvi qırğın törədəcəyi barədə hədələyən şəxs həbs edilib
Vaşinqton, 16 iyun, TELEJURNAL AZƏRTAC-a istinadən xəbər verir ki,
Kanzas ştatının Blu-Sprinqs şəhərinin polis idarəsi bildirib ki, polis zabitləri 19 yaşlı bir kişini saxlayıblar. Həmin şəxs yerli məktəblərin birində qırğın törədəcəyi barədə hədə-qorxu gəlməkdə şübhəli sayılır.
çərşənbə günü naməlum şəxs polis idarəsinə zəng vuraraq kütləvi atəş açılacağı barədə məlumat verib. Bundan sonra Kanzas-Siti rayonunda məktəblərdə məşğələlər ləğv edilib. Departament nümayəndəsinin sözlərinə görə, polis idarəsinə zəng vurmuş Blu-Sprinqs sakini polis zabitlərinə bildirib ki, kütləvi atəş açılacağı barədə məlumat sosial şəbəkədə yayılıb. Polislər bir neçə saat ərzində üç evi müşahidə altında saxlayıblar. Şübhəli şəxs həmin evlərin birində yaşayır.
Şübhəli şəxs həbs ediləndən sonra məlum olub ki, o, yerli məktəbin keçmiş şagirdidir. Onun kriminal tarixi yoxdur. Bununla belə, Hyuz deyib ki, son bir neçə həftə ərzində ABŞ-ın müxtəlif şəhərlərində törədilmiş kütləvi qətllər fonunda hüquq-mühafizə orqanları bütün hədələrə ciddi yanaşır. O qeyd edib ki, polis bu hədə barədə məlumat alandan dərhal sonra Blu-Sprinqs məktəblər idarəsinin müdiriyyətinə məlumat verib və federal təhqiqatlar bürosu şübhəli şəxsin kimliyini müəyyən etməyə kömək göstərib.
