Trampın tərəfdarları polis barrikadasını aşaraq Konqres binasına giriblər

ABŞ-ın paytaxtı Vaşinqtonda etirazçılar Kapitoli ətrafındakı hasarlar vasitəsilə binalardan birinə daxil olublar.
Telejurnal.az AZƏRTAC-a Anadolu istinadla xəbər verir ki, bir qrup nümayişçinin polis barrikadasını aşaraq Konqres binasına girməsi nəticəsində polisin gözyaşardıcı qazla müdaxiləsinin görüntüləri sosial mediada əks olunub.
Polis əməkdaşları ilə etirazçılar arasında baş verən toqquşmalar zamanı bir neçə nəfər xəsarət alıb.
Yerli mətbuatın məlumatına görə, Konqresin binası polis əməkdaşları tərəfindən əhatəyə alınıb.
ABŞ Senatı Konqres qarşısındakı etirazlara görə, iclasını yarımçıq dayandırıb.
Senator Lenkford bildirib ki, etirazçılar Kapitoli binasına soxulublar və Senatın zalını əhatəyə alıblar.